يعطيكم العافية جميعاً طلاب (مبادئ نظم المعلومات الإدارية | MIS ) 🤚🏻

اول اشي بدي احكيلكم عن طبيعة المادة بشكل عام :

معروف عن الMIS انها مادة نظرية يعني أول اشي بخطر عالبال انها حفظ و التفكير هيك غلط, الصح انك تكون فاهم المادة و بتكرار المعلومة اكثر من مرة تلقائي بتحفظها, طبعاً اهم نصيحة تجرب تحل التست بانك الي موجود عالجروب عشان تثبت المعلومة و تتأكد انك فاهم و حافظ.

بتتكون المادة خلال الفصل الحالي من 6 شباتر:

شابتر 1

( The Information Age in Which You Live: Changing the Face of Business ):

الشابتر بحكي عن نظم المعلومات الإدارية، يعني كيف بتستخدم التكنولوجيا و المعلومات عشان تسهل للشركات إدارة شغلها.
و انه الMIS بتتكون من أمور مهمة مثل الناس والمعلومات وتكنولوجيا المعلومات، و إنه الناس هما العنصر الأهم، عشان الناس رح تستخدم المعلومات والتكنولوجيا.
بعدين الشابتر بحكي عن موضوع تحليل التعادل، اللي بيساعد الشركات تعرف تأثير التكنولوجيا على المال.
و بنحكي كمان عن نموذج بورتر للتقييم الصناعي والتنافس فيه، وأخيرًا بيقارن بين استراتيجيات بورتر وإطار التشغيل والنمو والتحويل، اللي بيساعد الشركات تستخدم التكنولوجيا عشان تطور وتحول الشغل.

شابتر 2

( Major Business Initiatives: Gaining Competitive Advantage with IT ):

هون بنحكي عن أربعة شغلات مهمة في تكنولوجيا المعلومات: إدارة سلسلة التوريد (SCM)، إدارة علاقات العملاء (CRM)، تخطيط موارد المؤسسات (ERP)، ووسائل التواصل الاجتماعي, و بنوضح كيف الأنظمة بتدعم استراتيجيات الشغل.

الـSCM بتسهل علينا تتبع المخزون وتبادل المعلومات بطريقة فعّالة، اللي بيهمنا جدًا في قيادة التكلفة الإستراتيجية وتحسين العمليات.

الـCRM بتستفيد من تفاصيل العملاء علشان توجه التسويق وتقدم خدمات أفضل، اللي بيتناسب مع فكرة التمييز والنمو.

الـERP بيدمج وظائف مختلفة في الشغل، بيضمن سير العمل بسلاسة وتناسق البيانات، وبالتالي بيدعم السرعة والكفاءة في الشغل.

ووسائل التواصل الاجتماعي بتعزز التفاعل، وتطور رؤية العلامة التجارية وتفاعل العملاء، وبتتماشى مع استراتيجيات التسويق الحديثة وتعزيز المرونة في الشغل.

شابتر 3

( Databases and Data Warehouses: Building Business Intelligence ):

هون بنحكي عن مواضيع مهمة في تكنولوجيا المعلومات، مثل الذكاء الاقتصادي والتحليلات, و بنوضح التقنيات اللي بتدعم هالمفاهيم، مثل قواعد البيانات ومستودعات البيانات.
وبنفصل الخصائص الرئيسية لقواعد البيانات العلائقية، اللي بتنظم المعلومات بطريقة منطقية وبتضمن سلامتها. بعدين، بنوضح المكونات البرمجية الأساسية لنظام إدارة قواعد البيانات، من معالجة البيانات لإدارتها.
وبنكمل لموضوع مستودعات البيانات، و شو دورها في اتخاذ القرارات بناءً على المعلومات المختصرة. بعدها بنحكي عن أنواع أدوات التنقيب عن البيانات في مستودعات البيانات، مثل أدوات الاستعلام والتحليل الإحصائي.
وأخيرًا، بنحدد اشياء مهمة في ملكية المعلومات في المنظمات، وكيفية دعم الإدارة الاستراتيجية والتبادل المسؤول للمعلومات، وأهمية الحفاظ على نظافة البيانات.

شابتر 5

( Electronic Commerce: Strategies for the New Economy ):

هون بنشوف أشكال مختلفة للتجارة الإلكترونية وطرق نموّها على الويب.
بنبدأ بتحديد تسع نماذج رئيسية للتجارة الإلكترونية، من التعاملات بين الشركات (B2B) و الحكومة مع حكومة (G2G). وبعدين بنقارن الفروق بين نموذج الأعمال للمستهلك (B2C) والأعمال للأعمال (B2B)، ونوضح فروق المنتجات، وطرق التسويق.
بعدها، بنحكي عن أنظمة الدفع في التجارة الإلكترونية، وبنوضح أشهر الطرق مثل بطاقات الائتمان ووسطاء مالية للبيع بين الشركات، ونشد على التدابير الأمنية زي التشفير والSSL.
وفي الآخر، بنختتم بتسليط الضوء على اتجاهات مهمة بتأثر على عالم التجارة الإلكترونية والمجتمع عموماً، مثل نموذج الذيل الطويل، والتعهيد الجماعي، والسلع الافتراضية، وارتفاع التجارة المتنقلة، وهاذا كله ببين النا التطور هائل في عالم التجارة الإلكترونية وحتى في مجتمعاتنا.

شابتر 6

( Systems Development: Phases, Tools, and Techniques ):

الشابتر بيوضحلنا كيف نطور الأنظمة الإلكترونية بالطريقة التقليدية و بالطرق البديلة.
اول موضوع فيها هو دورة حياة تطوير الأنظمة (SDLC) انه فيها سبع خطوات: نخطط، نحلل، نصمم، نطور، نختبر، ننفذ، ونصلح(الصيانة), بهالطريقة بنضمن تطوير مرتب ومنظم للأنظمة.
بالمقابل، في الأساليب البديلة رح ندخل بتفاصيلها اكثر بالدوسية مثل تطوير المكونات (CBD) من امثلتها RAD وXP و Agile، بنركز على عمل نماذج سريعة وتطوير متكرر وتسليم مستمر عشان نحسن عملية التطوير.
و موضوع التعهيد الذاتي بقدم اختيار آخر، فيه المستخدم نفسه بطور وبدعم الأنظمة بدون مساعدة كبيرة من مختصي تكنولوجيا المعلومات.
و بنحكي عن النماذج الأولية انها الها دور كبير بأي منهجية تطوير، عشانها بتساعد بجمع المتطلبات وإثبات الجدوى التقنية و بتعطينا قدرة لبيع فكرة النظام.
وفي الآخر بنحكي عن الاستعانة بمصادر خارجية، يعني بنخلي طرف ثالث يعمل شغل محدد، و هالطريقة شائعة بسبب العولمة والتكنولوجيا وإلغاء القيود التنظيمية.
بهالطريقة، بنعمل طلب عرض سعر، وبنختار مورد، وندخل في اتفاقية مستوى الخدمة قبل ما نختبر وننفذ الحل اللي بيقدمه المورد.

شابتر 7

( Enterprise Infrastructure, Metrics, and Business Continuity Planning: Building and Sustaining the Dynamic Enterprise ):

الشابتر مش داخل كامل و يعتبر اقصر موضوع بالمادة و بحكي عن كيفية ضمان استمرارية العمل في بيئة الشغل المتقلبة و المتغيرة.
بس الموضوع الأهم إنه بنركز بالشابتر على خطة استمرارية العمل (BCP) ومراحلها، اللي بتقدم لنا طريقة منظمة عشان نقدر نتعافى من الكوارث أو الاضطرابات.
الخطة فيها ستة مراحل رئيسية: أول شغلة نبدأ بالتخطيط الاستراتيجي لضمان الموارد، وبعدين بنحلل التأثيرات والتهديدات المحتملة.
المراحل اللي بعدها بتشمل تصميم خطة تعافي كاملة، وتنفيذ التدابير اللازمة، واختبار الخطة بسيناريوهات محاكاة، وبعدين الصيانة المستمرة علشان نتكيف مع التهديدات والتغيرات التكنولوجية.
هالطريقة المنظمة بتضمنلنا انه جاهزين نواجه الصعوبات ونحافظ على العمل بشكل فعال.

النجاح بالمادة حسب الفصول الماضية تقريباً من (45 ل 48) و ال A تقريباُ (84), (بتختلف كل فصل حسب الأفرج)

أفضل طريقة لدراسة المادة و اي مادة اخرى هي انك تدرسها اول بأول و ما تراكمها.

بالتوفيق جميعاً و فالكم ال A 💙